Бамб цецгүдин фестиваль
Җил болһн мана Хальмг Таңһчд «Бамб цецгүдин фестиваль» бүрдәгднә. Эн җилд 2021 мөрн сарин 24-д Целинн района һазрт, Шатта гидг ормд давулгдх.
Мана тег хаврт йир сәәхн болна. Олн зүсн цецгәсәр тег дүүрнә. Тер цецгәс дунд бамб цецгәс теегиг бүркҗ кеерүлнә. Бамб цецг – мана теегин кеерүл. Мөрн сарин дундаһар теегт улан, шар, зандн, оошг бамб цецгәс энд-тенд дала болҗ урһна. Нарн һарад дулархла, бамб цецгәс чидлән авч урһна. Эн цецгәст цуг әмтн дурта. Теегт һарад бамб цецгәс әмтн һәәхнә. Бамб цецгәсиг таслхмн биш, яһад гихлә эн цецгәс һазр деер уга болҗ одх. Бамб цецг «Улан дегтрт» бичәтә. Эн йир ке цецгә.
Хальмг Таңһч тускар:
Рубрика: Шин